ومِين قال إنّه خطأ
يِمْكِن إنْت اللى مِشْ عارف
الفرق بِين الصَّح والخطأ..!
مِين قال إنّ الحُبّ له زَمَن..؟
واللا إنت خايْف تِعْتِرف
إنّ اللى حَبّيته إمبارح
مِشْ زىّ اللى جِوّايْه لِيك
وإنْ كان قبلى
لقلبك خَطَفْ..!
،،،،،
مين قال إنّه خطأ..؟
وفى الصيف بِيِنْزِل مَطر
ووردة فِ ضِلّايْة بتِتْروى
علشان رُوح
لروح مِشْ شايْفة
ومِشْ حاسّة؛ وهِىَّ
بيتولد جِوّاها شَغَفْ..!
،،،،،
بصراحة.. لِيه
لِيه خَايْف تِعْتِرف..؟
إنّك
فـى حُبّى
كُنْت وَعْد وقَدر
عِشْته وصُنْتَك فيه
أكتر مِنْ شَرَف..!
مين اللى قال إنّه خطأ..؟
ليه..
ليه خَايْف تِعْتِرف..؟
……
اترك تعليقا